]center]حييييييييييل حلوووووووووووة
قصة بنية كانت تطالع شاب بعين قووية
-----
المهم الرجال طلع شاعر
وما قصر فيها كم بيت عشان تتأدب
لكن المفاجأة هي؟؟؟!!!
تابع القصيدة
كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون
لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون
لو سمحتي عاد إسمعي وحتى لو ما تسمحيـن
ا لمهـم اللـي بقولـه تسمعينـه و يسمعـون
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون
تعرفيني أعرفك ؟! ماأذكر إنا ملتقين
لا أعرفك من تكوني و لا تعرفي مـن أكـون
وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون
وإذا ببالك عاجبتنـي لا يحوشـك تحلميـن
صح ربعي من جمالك فيـك صـارو يمدحـون
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
أنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون
آه ياني منه مشهـد يـوم شفتـك ترحليـن
جيت أشوف عيون ربعي لقيت الكـل يدمعـون
يالكفيفه يالعفيفه ان قلت اسف تقبلين
يغفر الله ذنوب عبده ليا خطا وهل تغفرون
ان شاء الله تعجبكم
![«[زورو ناري]»](https://2img.net/r/ihimizer/img707/5896/74464683.gif "«[زورو ناري]»")
![«[مشرفة صدى المشاعر~]»](https://2img.net/h/up.alhilalclub.com/uploads/public/2010/09/050824_k3.gif "«[مشرفة صدى المشاعر~]»")
![«[زورو فضي]»](https://2img.net/r/ihimizer/img94/7113/67993461.gif "«[زورو فضي]»")
