ديـــــــــــوان ابن فطيس

السلام عليكم ورحمة الله وبركاته

هذا ديوان او مكتبه او موسوعه لكن في الشعر يسمونه ديوان الشاعر الكبير محمد ابن فطيس

هنا باذن الله راح يكون اجمل قصايد واخر اخبار ابن فطبس

بطاقة تعريفية
[ندعوك للتسجيل في المنتدى أو التعريف بنفسك لمعاينة هذه الصورة]
الاسم: محمد حمد محمد فطيس المري
السن: 28
البلد: قطر
المهنة: موظف
نبذة مختصرة عن حياته : له عدة مشاركات في مجال الشعر ... ينتسب إلى قبيلة آل مرة ... يعمل موظف إداري بأحد المراكز الصحية بدولة قطر .. حاصل على دبلوم إدارة .. بدأ مشواره بالساحة في 2001 تقريباً .. شارك في العديد من المهرجانات الخليجية والعربية منها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية في (أبوظبي) ، ومؤخراً في شاعر المليون.

راح ابدا باول قصيده له في شاعر المليون

مانيب من ياتى ولا يدرابه ^^^ شطرن حفظته ما عرف كتابه

شطرّا (ن) يناسبنى لمثل الليله ^^^وأشوفنى فى ذا المكان ادرابه

أبتكل بالله ونعم بالله ^^^ الى مايوصد دون خلقه بابه

بقول واللجنه تقيم قولى ^^^ ومن كثرت الشعار مانى ابه

الحمد لله واثقن من روحى ^^^ وان كنت ذيبّا فالرجال ذيابه

ما اقول انا اشعر واحدن بالعالم ^^^ لاكن قصيدى كفو وانا ادرابه

الشعر جمعنا لو تفرقنا ^^^ حدودنا واظروفنا الغلابه

الله يبيض وجه راعى الفكره ^^^ عزلله انها تنحسب لاحسابه

والله يبيض وجه من يرعاها ^^^ محمد الله يحفظه لاحبابه

محمد ولــــد زايد عريب المجنا ^^^ ولى عهد الديره الخلابه

الشعر تاريخّا لنا من مبطى ^^^ واعلامنا يوم السنين انهابه

الشعر بيتّا والوزن عمدانه ^^^ معناه طنب وقافيته احجابه

الشعر وادى فيه صــيــدّا واجد ^^^ وكلن على الوادى يهج اركابه

والافكار صيد وكل شاعر قانص ^^^ وكلاّ يــدســم شــــاربه مخـــلابه

أحد( ن) خياله حـــر واحدن وكـــرى ^^^ واحدن خياله كــوبجــن بقطابه

وأنا خيالى كل ما هديته ^^^ حول على الوادى وصاد عقابه

شاركت امثل ديرتى واربوعى ^^^ وكلاّ يمثل ديرته وأقرابه

والله ان الله راد والله قاله ^^^ انى لسلمها الفخر وكتابه

دارى قطر وانا هنا امثلها ^^^ المجد مطلوبى وانا طلابه

عهد(ن) على انى لشـــرف دارى ^^^ (( ترك صبيا ما يعـــــز تـــرابه ))

شوفو دمى من حبها عـــنابـــى ^^^ وحماستى من ضوها شبابه

شاعر خليجى والعروبه بيتى ^^^ والبيت ما ياقف بدون اطنابه

وان عودت بين القبايل فــــزعه ^^^ انـــشهد انـــى فى اللوازم لابـــه

لى فى القبايل ربع واقدرهم ^^^ مانى من يجهل مقام اصـــحابـــــه

وأن عودت لاصلى انـــا اصلى مــــرى ^^^ من صلـــب يـــــــــام اهـــل القـــنا وخضـــابه

قومّا لنا فوق المعالى بيرق ^^^ والسيف قوه سلته بنصابه

الشعر طوقنى وانا طوقته ^^^ قمت اتمشابه وأفك ابوابه

يابنت ياللى تفرقين بعودش ^^^ مالومهم لو كثرت الخطابه

لا مـــر بش دربش على خلق الله ^^^ قالو كذا بالاصبع السبابه

زينيش يزينه فـــعل ابيــــش وجـــدش ^^^ وانتى بدورش للنـــــقا كســــابــه

قومى تباهى بى وفلى راسش ^^^ عليش من ستر الشــــرف جلبابه

وان ما سترتش بالفعول وبسمى ^^^ (( فعقبنى الفنــــجال يصبــــابه ))

,.,.. سولفوا ..,.,

سولفوا تكفـون لاعـد تسكتـون
قبل لا اهوجـس وياتينـي بـلاي
السكـات يـزوّد طعونـي طعـون
وتنكسر لا جا على راسي عصـاي
سولفوا لو مـا بغيتـوا تسولفـون
قبل لا اقعد في الحزن رايح ..وجاي
واضحكوا لو بالعمالـه تضحكـون
وجاملوني لـو يضايقكـم احكـاي
لي وليفن راح جعلـه مـا يهـون
هــو دواي وداي..او داي ودواي
راح لاكن طيف زوله فـي العيـون
مــرة ٍ قـدامـي ومــر ٍ وراي
وان سكتوا جا .. وهو طيفه يمون
رحت اهوجس له وابيّن لـه ولاي
مكسب عيوني من الفرقا مـزوون
تمطر لطاريه..والبرق ؟ اصدقـاي
كل ما طـروه لـو هـم يمزحـون
احرموني من غداي ومن عشـاي
ادري انه ما تناسـى الـود كـون
تسمع اذنه في قفاي اللسن اعـداي
وكانهـم قالـو نسيتـه يكـذبـون
والا انا فيـه امتلـك نظـره وراي
كان حبه لي على خبري مصـوون
والله ان كني بقـدري ..وبغـلاي
ذي بقايا الحب واطـلال الجنـون
والله اعلم في ضميره وش بقـاي
غيـر طيعونـي ولاعـد تسكتـون
ولا والله ان اسمعكـم ابـكـااااااي

خبر صحفي

[ندعوك للتسجيل في المنتدى أو التعريف بنفسك لمعاينة هذه الصورة]

بالرغم من شهرته في الخليج العربي كفارس للشعر النبطي، خاصة بعد تتويجه بلقب «شاعر المليون» في نسخته الأولى، إلا أن الشاعر القطري محمد بن فطيس المري، من المتابعين للشأن الرياضي، سواء في قطر أو خارجها، وبالذات في الإمارات، التي يتابع دوريها وكل مسابقاتها. وقبل نهائي الكأس ليلة البارحة، كتب محمد بن فطيس المري، شعراً لأغلى الكؤوس، حيث قال:

في ليلةٍ من طبعها حبس الأنفاس

أشــوف فيـها الفـوز كلن حليفــه

الفوز بما هـو بس بمصافـح الكاس

الفــوز كـله في مصــافح خليفــــة

[size=16]بن فطيس، حل ضيفاً أمس الأول على قناة أبوظبي الرياضية، حيث تحدث عن النهائي، واكتشف عشاقه أنه ليس فقط شاعراً، وإنما هو ناقد رياضي متمكن. [/size]

يادكتور العيون

يا مؤمن الريفي أنا جيتك زبون
جيتك على مدح أكثر الناس وعنيت
جيتك وتعال الله عن ما يشركون
لولاه يا مؤمن لطبك ما اهتديت
راضي بحكم الله على مهما يكون
عالج عيوني لو بعد طبك عميت
ودي اخاشر فالبصر من يبصرون
وأشوف دربي لاسرحت ولاضويت
إلا قنصت اثبت مع اللي يثبتون
وأشوف طيري كل ما وميت ودعيت
ياكثر ما يضرب خويي الطابلون
من كثر ما أكلته مطبات وكليت
ودي أشوف إلى علي يعرضون
وبعض أليالي ودي اسري دون ليت
وأشوف ناس ٍ فالقفي ما يرحمون
أما وقفت لصاحبي وإلا مشيت
من دون نظارة ولأهم يحزنون
ياكثر ماكسرت كشمات وشريت
لأكن يا دكتور جعلك ما تهون
أبغيك كلمة رأس دامك ما بديت
اسمع ولا بغى إلى وزانك يسمعون
ربي كتب يكشف لك أسراري وجيت
صورة عديل الروح عندك فالعيون
وأخاف تقطعها بموسك ما وعيت
ولأعليك أمر اطوها تحت الجفون
وعقبها لو تقطع عيوني ما شكيت
هي رأس مالي والعرب ما يدركون
أني على باب الممات وما حكيت
ياقو قلبي يوم قفن الضعون
إلى على ذاك الموادع ما بكيت
ويا صبر صبري والعواذل يحسبون
أني دلهت من الهوى ولا سليت
اسكت عساهم من سكاتي يسكتون
وأنا عن إلى في ضميري منتهيت
ودور الفرحة مع إلى يسهرون
وان ذكروني خذت فنجال وسريت
أخذت من وقتك يا دكتور العيون
عالج عيوني لو بعد طبك عميت
واستر على والى معك لايفطنون
أنت الوحيد إلى بعد ربي دريت

ماهو كفو الوقت

ماهـو بكفـو الوقـت حبـك يمحّـيـه
ياللي تخـاف صـروف الايـام تمحـاه
ارتـاح ..مـادام المـواصـل يقـوّيـه
انت انت..وانـا انا..وقلبـي هـو ايـاه
حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه
حبـك علـى رملـة خفوقـي مواطيـه
ورياح عذلي عنـك مـا تمسـح خطـاه
واللي يعـذل القلـب عـن درب غاليـه
الله بمـا يـبـلا الموالـيـف يـبـلاه
اخفيـه يابالفـيـت والـحـال يبـديـه
ادنـاة واحـد ينظـر الحـال يـقـراه
مخفيـه فيـه ومعتنـي ٍ بـه وحاميـه
مـن كـل عيـن ٍ ودهـا تنـزل حمـاه
قلب ٍ يحبـك والهـوى الـذرب ماليـه
كانـك مكذبنـي ؟؟ بعيـنـك تـحـلاه
شـرط ٍ تشوفـك فيـه منـت بحواليـه
ويمكن تشـوف ديـار واماكـن ارعـاه
وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه
وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه
وبتشوف حصن ٍ عـج الاقـدار سافيـه
وبتشـوف باقـي بيـت راعيـه خـلاه
لا تنزعـج هـذا خفـوقـي وباقـيـه
ولا تضايـق مـن تـصـدع زوايــاه
قـد زلزلـه فرقـا وهـزت عـراويـه
والله ستـر والحـظ عـانـه وعـافـاه
ابغيـك بـس مـن المفـارق تـداريـه
وازهل مـن يـداري شعـورك ويـدراه
وحلـل وحـرم فيـه يابـرك بـلاويـه
وحلّه وراع رضـاي ورضـاك ورضـاه
جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه
انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه
تلـقـاه دوم وكــل يــوم ٍ تلاقـيـه
والـى بغيتـه صـدق مـا عـاد تلقـاه
ولا انت ردك كـل مـا ادعيـك.. لبيـه
انشهـد ان منتـوا بفيعينـي اشـبـاه
منت بمع العالم ولا تقـول لـي.. ليـه
انت ادرى منـي وش جوابـي وفحـواه
كذيـه... ومـن الله يـازيـن وإلـيـه
واغلا طـروش القلـب ودواه مـن داه
الحلـم ياتيـنـي بـزولـك واراعـيـه
وفـي كـل حلـم اقـوم قبـل اتحفـاه
اعشق سميك فـي البزاريـن وادعيـه
واقبـل خطـاه الـى اخطـا واتلـقـاه
واسمـك يروعنـي الـى مـر طاريـه
واحـب ملقـوف ٍ يسولـف وطــراه
وامـر بيتـك مـن بعيـد ٍ ولا اجـيـه
وانـا لونـه فـي يـدي مـا اتـعـداه
حتى (توايـر) (موتـري) تلتفـت فيـه
تبغي تلـف ويستحـي العقـل والجـاه
وصلك يخيـط الصـدر والبعـد يفريـه
ويابـري حالـي كـان صديـت بريـاه
ويلي علـى ادري حبنـا ويـش تاليـه
وويلي على ادري وش ورى الغيب ويلاه
عشـان اشـوف اذا محبتـك ..ترفيـه
والله لا اقفي عنّـك....... استغفـر الله

محاوره شعريه بين ابن فطيس ووالده

موضوع القصيده ,, يتكلم
عن رواية
لبن فطيس محمد بن حمد المري
ويقول في رواية له,,
انه في يوم من الايام
وهو جالس مع ابوه وبعض اصدقاء ابوه وقرابتهم ويتبادلون..
الحديث والشعر
يقول واحد في الضيوف
ياجماعه انا حصلت لي ابيات مكتوبه في مكان ما واحب اطرحها عليكم
المهم ويقولون ,, تفضل:
قال :

إعلان للي مابعد جرب الحب =يترك طريق الحب قدر استطاعه
فيه الهنا ياتيك ساعه ويذهب =وفيه العنا ياتيك في كل ساعــه

المــــــهم

ابن فطيس يقول البيتين اعجبوه كثير وجلس يفكر فيهم كملو الجلسه ويوم جا بكره...
نفس التوقيت
في المجلس ايامها يقول ابن فطيس انه باقي بالاعدادية المهم
ويقول الرجال,,
ياجماعه انا حصلت البيتين اللي يقول عليهم فلان وقد انكتب عليهم مجاراة لها ابيات احب
اسمعكم هذي الابيات

يقول ابن فطيس:

إعلان للي مابعد جرب الحــــــــــــب =يسلك طريق الحب بس بشجاعه
فيه الوفا والغدر والصدق والكذب =وفيه الفراق وفيه شوق اجتماعه
حظك على حظك تشجع وجــــــرب =ان صبت والاغير تاخذ مناعـــــه

يقول...
ويضحك والده ويقول لمن هذي يامحمد قال لي طال عمرك
استغرب ابوه وقال عطني
هذي الابيات
يقول ويناوله الورقه ويكتب عليهاابوه ابيات

يقول حمد بن فطيس المري والد محمد ابن فطيس :

إعلان للي مابعدجرب الحــــــــــب =يترك طريق مايجوز اتباعـــــــه
مع الرجا والخوف والياس والذنب =لو دام وصله ماومنت انقطاعه
شيئ غريب يشاع بالشرق والغرب =تركه قلاع واتباعه قلاعــــــــه

اعجب احد الشعرا وكتب مجارات لهم :

إعــلان للـي مـا بـعد جـرب الـحـب=يسـلك طـرق الحـب بــس بـقـناعـة
فية الجفا والوصل والطيب والغصب =وكل(ن) على حالة وحسب انطباعة
قــال المثل يـا خوك اسـأل مـجـرب=خــلك بعيد(ن) عـنة لـو قـرب باعـة

يــــــــــــــا هـــــــيــــــــه

ياهيه إلتفت لي وإسمع دعاي لك يـاهيـه

ترى عادتك تشبـع مـن البعـد واتواجـه

دعيتك بصوتٍ ياصلـك ليـه مـا توحيــــــــه

وأنا أسمع ضلوعك من صدى الصوت لجاجه

عليـك الفـؤاد إخلاجـه مصمـخ راعيـــــــه

خف الله في راعيـه مـا تسمـع إخلاجـه

ترى العفو قد جـاك أولـه وإغتنـم تاليــــــه

وترى الحلم بحرٍ غيـر لا تامـن أمواجـه

وترى الـود ليـلٍ مظلـمٍ جيتلـك ساريـــــه

سراجه وصالـك والجفـا ينفـخ سراجـه

وترى قصرنا اللي كم سنة نجمـع ونبنيـه

هوى العذل طيـح بابـه العـود وسياجـه

لي أيام مـدري ويـن دارك ولا أدري ليــــه

وأنا خابـر إنـي بـاب شفـك ومزلاجـه

غيـابٍ بـلا سبـة هجـــــــادٍ بـــــلا تنبـيــــــه

وجفا أغلى العرب نارٍ على الكبـد وهاجـة

نضج قلبي من البعـد وش حاجتـك تكويـه

جفاك الجمر والصبر فـي بعـدك الصاجـه

وطبع حبـك بقلبـي والأيـام مـا تمحيـــه

هـذا هجـرك يحـاول يموجـه ولا ماجـه

يموت الأمـل لكـن ظنـون الغـلا تحييــــــه

وعروق الوفـا فالـروح والقلـب وجاجـة

خبرتوا حدٍ يبكـي علـى واحـدٍ يبكيــــــه

وخبرتوا حدٍ مسجون ما يبقـي إفراجــه

أحبـه ولا أبغضتـه علـى شـيٍ يسويـه

ولا زالـت رقـاب الرجـا فيـه منعـاجــــــــة

عسى منزلٍ ضمه حقـوق الوسـم تسقيـه

وتضحك له الدنيا وهـو يضحـك حجاجـه

فقد خاطـري شـي مـن الضيقـة مسليـه

وغدت روحي من النـاس والليـل هجاجـة

أروح لمكـانٍ خابـره .. خابـره يأتـيــــــــــه

أسوق القدم صوبـه وهـي مالهـا حاجــــة

مكـانٍ نزيـه وأول مواجهـي لـه فـيــــــــه

وأنـا خابـرٍ مـا رجـل مثلــــــــــه بــــدواجـــــة

لعل وعسـى مـا حدنـي للمجـي يدعيـه

وأشوفه وأنـا مـا ودي أسبـب إحراجـــــــه

يحب الجريح آخـر دروب اللقـى ويجيــــه

وتحـب القـدم جيـة مكـان أول مواجـــــــه

,,

الله يسامح غلاك ويلعن الحاجه ,,

غيبتك لو هـي دقيقـه تعتبـر صـدّه

الوقت دونك سجـن وغيابـك اسياجـه

لا تعتذر لي تـرى ماعـاد فـي شـدّه

اعيد حكي ٍ يكـود الصـدر مخراجـه

دامـه يوصـف بجـود ابيـك وبجـدّه

وشلون تبخل على المجروح بعلاجـه؟

ووشلون قـاوااك قلبـك رده وصـدّه

مع انه بيّن عليـه الضعـف والحاجـه

ياقـو قلـبـك بــرد ايميـنـك وردّه

بخلت بمصافحـه وارهيـت بحراجـه

لو ماسقى غيم عينـه جرهـدي خـدّه

تـراه يبكـي وقلبـه يلحـق اخلاجـه

ولو شفته يمازحـك تـراه مـن جـدّه

الضحك عن درب ضيق الصدر ماعاجه

غير الغلا والولـه عليـك وش حـدّه؟

يـادرب ليلـه ويامسـراه وسـراجـه

كنّه يعرفـك قبـل يلقـاك مـن مـدّه

مـع ان مابينـك ومـا بينـه امواجـه

هـواك بـدو ٍ نـووا للقلـب بالشـدّه

ورياض قلبي لشوف البـدو محتاجـه

والوصل..بحر ٍ متى انت بتسمح ابمـدّه

السيف صبري وبحرك شـح بامواجـه

قصيـدي اللـي قريتـه واللـي اعـدّه

قديـم لا يزعلـك معنـاه واخـراجـه

وفراغ قلبي غلاك ارهى علـى سـدّه

ليتك تشوف الغـلا وابراجـه وعاجـه

اقوى ريـاح العـذل مـا تقـدر تهـدّه

والا الجفا لـو تنفـس هـدم ابراجـه

تغانـم الوصـل لـن البعـد لابــدّه

ياتيك في يـوم ثـم ياخـذك بادراجـه

اللي لـي انـك تليـن وتتـرك الشـدّه

واللي لك اني ما سولف بـك لهراجـه

ولاني بزعلان واللـي نرتجـي مـدّه

يا بـاب قلبـي ويـا قفلـه ومزلاجـه

زعلة تغلي ومـن تزعلـه مـن قـدّه

ما دام كـل ٍ يبـي دربـك ومنهاجـه

غالي وتبخـل علـي وتطّـول الصـدّه

الله يسامـح غـلاك ويلعـن الحاجـه

،، ماجور ياللي من فراقك تعلمت ,,

ماجور ياللـي مـن فراقـك تعلمّـت
ان الزمـن يومـيـن طيّب..وخـيّـب

فاجئتنـي بمفارقـك مــا تولـمّـت
كـذا بـدون اسبـاب عنـي تغيّـب؟؟

مامـت مـن فرقـاك لكـن تألـمـت
وراسي مشيّب لو مـا راسـي مشيّـب

ولولا السحا من عاذلـي مـا تلعثمـت
طاولته اللي فـي يـدي مـن قريّـب

اضحك واسولف وان لحقني سهر نمت
لكـن قـسـم بالله مـانـي بطـيّـب

اكافح اهل الشمت بالسمت ..والصمـت
ومن شوفتـك صدفـه قعـدت اتهيّـب

اخاف اشوفك واكسر الصمت ..والسمت
وادعيـك تـو النـاس وانـا مغيّـب

جيشك علي ما فـاز وانـا استسلمّـت
وذل المحبـه ذل مـا هــو يعـيّـب

تدري من المخطي ولـو مـا تكلمـت
ياللـي لضنـي ضنتـي مـا تخيّـب

السلام عليكم ورحمة الله وبركاته

الشاعر محمد بن فطيس المري ظاهره شعريه اعادة للشعر هيبته وجماهيره ويعتبر الشاعر الكبير راعي البيرق اقوى الشعراء واكثرهم جماهيريه على الساحه بفارق كبير عن من ياتي بعده في المركز الثاني والذي يتنافس فيه الشاعرمحمد بن الذيب والشيخ حمدان ال مكتوم (فزاع)
واستناد الى محركات البحث العالميه (قوقل وياهو وغيرها) حيث ياتي محمد بن فطيس اكثر الشعراء طلبا وبفارق كبير وتزايد مستمر في اعداد الجماهير ..

» أبن فطيس(كلن على معمر يهج ركابه )
» هذي قصيده للشاعر محمدبن فطيس المري والحقيقه اعجبتني كثير وحبيت اكتبها