لا طالعوها قلت / ((تكفون ياعيال))

الإنتساب : 07/03/2009

عهدي بها قدام تلبس عبايه
وانا بعد قبل ألبس شماغ وعقال

طفلين نتهجّى حروف الهجايه
الله ياماجمل سواليف الأطفال

كانت لنا في كل شارع حكايه
وكنا نقول علوم ماهيب تنقال

وكنت اتقاسم مامعاهـا معايـه
من عسكريم التوت للعلك ابوريال

وكانت بعكسي شاطره في القرايه
تقرأ جزء عـمّ وطـه والانفال

وأنا لك الله من مواري غبايه
مدري ابو النقطه هو الدال او ذال

وكانت لابويه تشتكي من شقايه
وتعلّمه كيف اربط الباب بحبال

ياما على ظهري كسر من عصايه
يقول لي / خلّك وأنا ابوك رجّال

وامي تقول / ادع لولدك الهدايه
خوفي يصيبه كثرة الضرب بهبال

لاشفتها مع اول الدرب جايه
مدري أنا اللي ملت ولاّ الوطا مال

احسّ قلبي يرتجف فـي حشايه
ماكنّه الاّ الضيف لاهزّ فنجال

ياما عن " السّعلي" تخبّت ورايه
لاخوفوها فيه ثم شافت ظلال

تقول / خلّك يا حمودي معايه
واسّتأنس العب عندها دور الابطال

وآغار حتّى من عيون اصدقايه
لا طالعوها قلت / ((تكفون ياعيال))

رآقت لي
وحدكـ أبيكـ

الإنتساب : 24/03/2011

روووعـــه [ندعوك للتسجيل في المنتدى أو التعريف بنفسك لمعاينة هذه الصورة]

دايــم اسمــعهــآ فــي قناة الــصحراء .. وارفع عــلى الــصوت للأخــير ههههههههههأإأإي

تـــسلمين يــالــغلآ [ندعوك للتسجيل في المنتدى أو التعريف بنفسك لمعاينة هذه الصورة]

لآخــلا ولآعـــدم

لك الف مــحبه وســلآم [ندعوك للتسجيل في المنتدى أو التعريف بنفسك لمعاينة هذه الصورة]

الإنتساب : 03/05/2011

تسلمين على الابيات الاكثر من رائعه
تسلم يمينك وصح لسانك

لا طالعوها قلت / ((تكفون ياعيال))

لا طالعوها قلت / ((تكفون ياعيال))

مواضيع مماثلة

مواضيع مماثلة