.((مزاجيه لعيون رادوي))..
{.. v.i.p•
الإنتساب : 14/06/2010
المشاركات : 1599
نقاط التميز : 2928
الجنس : 
 | | موضوع: مقارنه بين .......... الثلاثاء أبريل 05, 2011 6:35 am | |
| جبتلكم مقارنه اتمنى تعجبكم
ياله اخليكم معها...........
مقارنه بين اطفال الاجانب و ورعانا المحترمين....
اطفال الاجانب...
في الصباح يستيقظ على صوت الكراري الي بغرفته بعدها يتوجه الى الحمام((عزكم الله)) يتروش ويفرش اسنانه ويطلع من الحمام وتستقبله المربيه بالمنشفه وتصبح عليه ويروح يغير ملابسه وياخذشنطته وينزل غرفه الطعام ويصبح على امه وابوه واحلى بوسات ياخذها منهم وطبعا يفطر ذاك الفطور الي يحبه قلبك كورن فليكس وبيضه وعصير طبيعي وشويت زبده مع عسل على خبزه
بعدين يقوم يغسل فمه ويودع البابه والمامه ويطلع ويستقبله السواق بابتسامه ويفتح الباب ويوديه لمدرسته الخاصه...
ورعانا المحترمين....
يقوم الصبح بعد مايطلع عين اهله ولازم افراد العائله المحترمه تمر عليه عشان تصحيه وكل وطريقته الخاصه...
الاب:قم جعلك الهزل
الام:قم جعلك الجذري
الاخ: والله لو ماتقوم لاافقع وجهك
اخته<تسوي نفسها متدلعه<:ياله قوم واعطيك شنطه اخوك تروح فيها (ينقالها تكشخ)
بعد مايقوم يمر الحمام على السريع ويلطش وجهه بالمويه
وبعدين ياخذاقرب كتب عنده ويربطها ويجيك مدحور يدور فطور
ويتفاجاء انهم ماحطوه؟؟؟؟
بعد مايجي الفطور وهو كاعاده(فول شكشوكه تميس)مع حليب ويبداء الورعان بالاكل وشوي الاوهو حاذف اخوه بعلبه الهندسه!!!!!
عشانه سحب صحن الفول من عنده(مسكين مايطوله)وشوي الاوهو مسدد بقس عنيف ماشي مليون لاخوه الثاني!!!
لانه سرق فسحته...
ابوه يتكلم مع الورع اركد وافطروعين خير انت وش بلاك وراك مدرسه
يرد الورع: ماتشوف سعيدان سارق فسحتي؟؟؟
(سعيدان اكبر سروق في البيت)
ابوه على طول يصدق ويصك سعيدان كف
(الله يلعن الدوام لاصار كذا)
المهم بعد مايخلص الفلم اليومي يروح الولد لسياره ويلقى اخوه فاتح الكبوت ويصب ماء للرديتر المشقوق وتقفل اخلاق الورع وينقز للشارع العام ويوقف اقرب تاكسي ويروح للمدرسه...
اطفال الاجانب...
بعد المدرسه يرجع ويلقى المربيه باستقباله وتاخذ الشنطه وتوديها للغرفته بصحبته ويغير ملابسه ويغسل وجهه ورجليه ويستريح ساعه عشان افراد الاسره تتجمع ويتغداء ذاك الغداء الذيذ ويروح لغرفه الجلوس ويشرب شاهي للتهضيم ويحلي بقطعه كيك بعدين يروح لغرفته وينام لين العصر...
ورعانا المحترمين...
اما الورع منه يجي من المدرسه والثوب قالب لونه بني((تقول متقلب في بياره))
ولادخل البيت فسخ الشنطه والثوب عند باب الصاله(وينك ياشارع اخويها محترينه) ويجيك يلعب كوره بذا القايله والشارع مولع حراره وهم عادي مكيفين باجواء باريس..واهله مو دارين عنه
في هذه الاثناء يرسل ابوه كتيبه من اخوانه للبحث عنه ولقوه وجابوه للبيت قام يصيح طقوني وسحبوني قدام الناس<وهو نصاب مااحد لامسه<
المهم يحطون الغداء كبسه لحم غيره مافيه ويتغداء الورع الكريم ويصك بعدها لتر لبن
بعدها يجلس ساعه فاتح فمه يحتري من يوديه يغسل يدينه!!!
اطفال الاجانب...
لاجاء العصرجابوا دروسهم وشافو وش عليهم من واجبات وحلوها وحضرو دروس بكره بمساعده البابا والماما
بعدها يروح لغرفه الالعاب ويلعب بلاي ستيشن2 وخذ لعب لمده ساعتين تقريبا يعني مابين فتره المغرب الى العشاء بعدها تطلب امه يجتمعون العائله ويشربون عصير ويسولفون..
ورعانا المحترمين...
يجي وقت العصر نايم<مفعول البن> يقوم قبل المغرب وياخذ دروسه وواجباته<واقلامه ناسيه بدرج الطاوله بالمدرسه> ويروح عند اخته ويتحايل عليها بكل ماوتي من قوه على شان تحل الواجبات واذا قالت لا ياويلهاو ياسواد ليلها
بعد كذا انواع الدجه مع ورعان الحاره الموقره ومن هم على شاكلته مايحلون هندي الا وسرقوا سيكله
ويرجع البيت على الساعه11 وتلقى راسه مفلق من جميع الجهات والشرطه تدوره وجارهم مسوي اعلان عليه مطلوب حي او ميت!!!
وخذلك عاد مساكين اهله...
اطفال الاجانب...
بعد مايتعشى يمسي على اهله ويروح لغرفته ويجلس على النت ساعه او ساعتين الى موعد نومه الساعه<10تقريبا> بعدها يغير ملابسه وتجيه المربيه وتحكي له حكايه.. لين ينام وتغطيه وتطفي النور
ورعانا المحترمين...
لارجع البيت الساعه11 مايدخل مع الباب ينط من فوق الجدار علشان ابوه مايمسكه
وعلى طول لغرفته يسكر الباب ويطفي النور ويطل مع الشباك على باب الشارع يشوف وش صار على مسلسل المشاكل المكسيكي الي جابه معه للبيت وكيف بيحلها ابوه مع الناس وجارهم والشرطه
وفي اثناء ذلك يستغل الفرصه ويروح للمطبخ وياخذ جبن البقره الضاحكه خبز ويرجع لغرفته
ويقفل باب الصندقه اووووه اسفه اقصد باب الغرفه ويتعشى من ذا العشى جبن وخبز الين يدوخ الساعه3 ولا وازيدكم من الشعر بيت ماينام الا وهو متلطم!!!<على باله مراقب>>>
هههههههههههههههههههههههههههههههههههههههههههههههههه هههههههههههههههههههههههه لبى الشعب السعودي وهـ  |
|
