بعت المدينه لاجل عين!وقالوا:الخافي يبين

عيّد بي غيابك سنه والليله من العايدين
ولاعاد عيدك يالجروح اللي بقلبي من دهر

ياصاحبي لو تعتذر عن غيبتك عذرك سمين
حبك بعد ماغبت عن عيني تمادى وازدهر

من يوم شفتك والنعاس بعينك النجلا سجين!
ومن النفس ذاك اليوم وعيوني سجينه للسهر!

علّقتني بالضحكه اللي تسبق الغمازتين
وتركت لي شاعر كتب فيك القصايد واشتهر

سيّلت دمعك واستباح الدمع ستر الياسمين
وعلّمتني كيف الندى يجمّل خدود الزهر!

ليتك عقب ماغبت غيبت اشتياقي والحنين
أو ليتني ماقد دفعت احلام عمري لك مهر

وياصاحبي لاعاد تنشدني عن الحزن الدفين
أقسى الطعون!الطعنه اللي من حبيب وفالظهر