تعااال ؟!!!

موضوع: تعااال ؟!!! الأحد ديسمبر 26, 2010 7:52 pm

بسم الله الرحمن الرحيم

تعال اسكـن مساحـات الخفـوق .. وودع الترحـال
تعال اشعل كـلام الحـب .. واخمـد ثـورة سكاتـي
.
تعال وقبل ( كيف الحال ) .. ناظر .. هو بقى بي حال
تعال وقبـل ( سمعنـي جديـدك ) .. أسمـع آهاتـي

.
تعـال وشيـل مـن بالـي هجـوس ٍ كنهـن جبـال
تعبـت أخضـع لهـذا الإنهـزام .. ونكـس راياتـي

.
تعال وشوف ( نهّـام الحنايـا ) واسمـع ( اليامـال )
حزيـن ٍ مثـل ... دمعـات اليتامـي .. لانكساراتـي

.
لك الله .. مابقى جـرح ٍ بروحـي مانـزف أو سـال
لك الله .. مابقـى هـم ٍ اعرفـه ... ماملـى اوقاتـي

.
أجي لك ممتطي صهوة احروفـي .. شاعـر ٍ خيّـال
أبوصـل للعيـون اللـي .. مساهـا .. لملـم شتاتـي

.
على جال التعب .. أرمي جراحي .. وأحسب الآمـال
ولالـي لالبـس ... هالليـل ثوبـه .. غيـر وناتـي

.
وش أقسى من الذبول اللي تشوفـه .. لابكـى رجّـال
وش آخر هالأفـول اللـي أشـوف .. بكـل نجماتـي

.
دخيلك هاتي لي ( قلب ) ومعه ( صبر ) ومعاهم .. ( بال)
دخيلك حس بجروحي .. ( أمـا تُبكيـك أنّاتـي ) !!!

.
دخيلك اطعن غيابـك .. تعبـت أحايلـك .. واحتـال
دخيلـك .. ملنـي هـذا الطريـق ... ومـل جياتـي

.
عشقتك مثل مايعشـق شعـوري .. ضحكـة الأطفـال
عشقتك مثل مايعشـق طموحـي ... لمـس غاياتـي

.
عشقتك مثل ماتعشـق جروحـي .. صرخـة المـوال
عشقتك مثـل ماتعشـق عيونـي .. حبـس دمعاتـي

.
عشقتك مثل مايعشـق غـرورك .. رغبـة الإهمـال
عشقتـك مثـل مايعشـق خفوقـي .. سجنـك بذاتـي

.
أنا بصبر .. مـدام لكـل عقـده .. فالزمـن حـلال
وإذا إني مـت ياآخـر طموحـي .. عيـش فابياتـي

موضوع: رد: تعااال ؟!!! الأحد ديسمبر 26, 2010 7:57 pm

مششكوووووووووور وحيدووووووه 2

موضوع: رد: تعااال ؟!!! الأحد ديسمبر 26, 2010 9:18 pm

هلا بك يالغالي ولا تحرمنا ردووودك