جيت قلب وجيت روح وجيت شوق
آه يا مقسـى الفـراق ومصعبـه
الضمأ لعناق عاشـق ومعشـوق
تقصر حروفـي إذا جيـت أكتبـه
لا طـرى بالبـال فتّـان الخلـوق
لهفتي له فـي خفوقـي مرعبـة
عن جميع الناس في خلي فـروق
ما لقيت لحسـن محبوبـي شبـيه
دمث خُلق,وزين خَلق, وحِسن ذوق
حتى لو مزحـه ثقيـل أستعذبـه
كل همسه كل ضحكه لـه شفـوق
يشغل أفكاري وهجسـي يجذبـه
في عتيـم الليـل وألاّ بالشـروق
ينتشلنـي طيـف عالـي مرقبـه
يسلب إحساسي وأهيم ولا أفـوق
وليتني ما فـوق ساعـة يسلبـه
بعالم ثاني بـلا رَعْـدْ و بـروق
لا أشرقت شمسه ولا جـا مغربـه
غير جوّه غير, غيره مـا يلـوق
يا صبـر أيـوب . لا عـزّ طلبـه
كنت فوق من غلاه أرقـى لفـوق
فوق ذوق وفوق صافـي مشربـه
ما على الولهان لـوم ولا حقـوق
لا شكـى نـار اشتياقـه وغلبـه
![«[زورو ذهبي]»](https://2img.net/h/up.alhilalclub.com/uploads/public/2010/09/050824_k3.gif "«[زورو ذهبي]»")
