مواقف بعض البنات في شهر العسلل{وآقعيه}

الإنتساب : 28/03/2010

مواقف بعض البنات في شهر العسل

\\\\\\\\\\\\\\\\\\\\\\\\

أولاً

تقول الاخت : زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو
بس تكفى لايحط فلفل
زوجها تسدح من الضحك وهي تقول احسبها وجبه او طبق معين

==========================
ثانياً

في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه
وش سوت راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه

===========================
ثالثا

وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا
طبعاا قبل ما نطلب زيتون ومخلل وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات قام قال عنا في لبنان ناكل الزيتون بايدنا
عاد مير ما اسكت وأنثبر قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ

===========================
رابعا

وحده تقول انا متزوجه ولد عمي و أول ما تزوجنا رحنا بريطانيا منها شهر عسل
ومنها هو عنده دوره المهم تقول مره دخلنا المطعم واخذت المنيو وقعدت اناظر الكلام كله انجليزي
وانا ما اعرف ولا حرف بالانجليزي تقول هو اختار والجرسون واقف عند راسي يحتريني اختار قالي زوجي تبين
اساعدك بالاختيار قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!

============================
خامسا

يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع
زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع
الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك
يقولون امزحي معه وهذي آخرتها

==============================
سادسا

بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله
ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله
ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت

=============================
سابعا

هذي وحده تقول اول ما تزوجت كنت ادرس وكان يوديني زوجي للجامعه وياخذني
المهم انا جالسه انتظره وكنت واقفه في الشارع واشوفه بعد كم سياره المهم جلست استـناه
يوم وصل عندي وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي

==============================
وأخيراً

وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي
وبعد مرور سنة طاحت بنفس المكان قالها عمى ما تشوفين
ـــــــــــــــــــــــــــــــــــــــــــــــــــــــــ
م\ن

الإنتساب : 30/04/2010

امــــــــتا الا خيره والله هذا حالنا

هههههههههههههههههههههههههههههههههه

م،ــــــــــــــــــــــــــــــــشكــووووووووووووور

الإنتساب : 20/10/2010

امــــــــتا الا خيره والله هذا حالنا

هههههههههههههههههههههههههههههههههه

م،ــــــــــــــــــــــــــــــــشكــووووووووووووور

تحيآآآآتـي

صقر رادوي

الإنتساب : 15/10/2010

هع هع هع يسلمو الله يعطيك العافيه وكل ما تمنى ثانكيو

الإنتساب : 02/06/2010

ههههههههههههههههههآي الله يقطع
بليسك كل موقف يضحك اكثر من الثاني بس احلى شي دورة الحمام
ولا اللي طلبت منيو ههههههههههههههههههههه الله يوسع صدرك
مثل ماوسعت صدري
مشكور

الإنتساب : 14/06/2010

والله كل موقف افطس من الثاني هههههههههه اهم شي دورة المياه
هع
يسلمو خيوو عا الموضوع

الإنتساب : 28/03/2010

شرفتم ثم انورتم المكان بمرووركم..

الإنتساب : 13/11/2010

ههههههههههههههههههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

يــآآلــبــآآكـ لآتحـرمـنـآآ آبـدآعـكـ [ندعوك للتسجيل في المنتدى أو التعريف بنفسك لمعاينة هذه الصورة]

الإنتساب : 27/09/2010

هههههههههه يوميات الزووااااااج

مششكووووور يا اخوووووووووي

الإنتساب : 02/07/2010

هههههههههههههههههههههههههههههههههه

يوووووووووووه قوووووووووووووووويه المــــــــوااقف..

[ندعوك للتسجيل في المنتدى أو التعريف بنفسك لمعاينة هذه الصورة]

الإنتساب : 05/03/2010

هههههههههههههههههههههههههههههه
ياآآآآآآآحيااتي تحزن الاخيره اقوى شي

مواقف بعض البنات في شهر العسلل{وآقعيه}

مواقف بعض البنات في شهر العسلل{وآقعيه}

مواضيع مماثلة

مواضيع مماثلة