مـ ح ـد بالدنيا يستاهل [[كـتآبتي]]

[size=16]السلام عليكم ورحمة الله وبركاتة

إلى كل من عنده هم يثقله
معطل حياته
كاره لأجله دنياه
أقوله وأقول لنفسي قبله
محد بالدنيا يستاهل !!
ولا شي بالدنيا يستاهل؟؟
الدنيا ماتساوي جناح بعوضه
انت ومشاكلك واحزانك وافراحك وبلاويييييك كله ما يساوي جناح بعوضه
محد يستاهل اصيح عشانه ولحد يستاهل احزن عشانه واوقف حياتي لعيونه
الدنيا ياجماعه فاانيه
يعني بيوم من الأيام بموت وبيحطوني بالقبر
وبنسأل
وش بقول
وش بقول ؟؟
انت يارب بليتني وانا كانت عندي بلاوي عشان كذا ماطعتك
يارب كانت عندي مشاكل وتعطلت حياتي وقعدت مثل الغبي اصيح عليها
ياجماعه الدنيا تمشي
وإذافي يوم توقف
فهو احنا اللي واقفين
الق كل همومك ورا ظهرك وخل شعارك
محد بالدنيا يستاهل
لا أهل ولوجفوك
ولا صديقه جفت فيك
ولا حقير حرق قلبك
الدنيا عندالله جناح بعوضه بس
يعني حتى مو بعوضه
حقيييره ياجماعه
احتسب كل بلاء عند رب العالمين
واحمد ربك على كل نعمه انت عايشها
حنا في نعمه والله مو حاسين

الناس ..!!

الناس عاملهم بذوق وإسلوب .. وزي ما علمتك امك من يومك صغيره
سو خير .. سو خيييير ولا تنتظر رد من احد
او اعتبار من احد .. اذا بتسويه سووه لنفسك .. لك إنت عشان تعيش مرتاح
ما تنام وتقول زعلت فلان وضايقت فلان
وترا الدنيا دواره كما تدين تدان .. ربي ما ينسى ظلم !!

طنش طنش طنش ..!!

فلان يحش فيك فلان يتكلم عنك فلان ما يحبك ..!!
خله حلاله .. هو احسن بعد خفف علي ذنوبي .. وعطاني من حسناته

تعلم التطنيش والبرود وتوقع انك تنصدم .. وكل ما انصدمت بأحد كل ما صرت اقوى
كل ما صارت تجاربك وخبرتك الاجتماعيه أحسن وأحسن ..

رمى عليك كلمه .. عادي ولا كأني سمعت .. ان دل يدل على قلة ذوقه وتهذيبه ..

كشر بوجهك .. ابتسم !!

واذا رفع صوته .. وط صوتك .. !

واذا اتجنبك .. تجاهل وجوده ...

"وترا ما طاح من النجوم اخف للسمـا "

دموعك !!

دموعك ومشاعرك تراها اهم واغلى شي وهي الي تتحكم بنفسيتنا وأفعالنا..
حب نفسك حب نفسك حب نفسك ودلعها ..!! عشان تعيش مرتاح...
خل قلبك لك .. لا صديق ولا قريب ولا اي احد يستاهله .. حب الناس بعقلك مو بقلبك عشان ترتاح بحياتك ..

نحبهم !! ليش نحبهم في الاخير الي يبكونا وهم مصدر تعاستنا وحزننـا !!

لا تبكي على احد ابداً ابداً مين ما كان ..!!
صدقني لو كانوا يستاهلون كان ما خلوك تبكي ولا تحزن ولا تتضآيق ..
ولا خلوا مجال دمعه وحده تنزل من عينك

العافيــه !!

كافي انك تمشي وتحرك يدينك ورجولك
مافكرت يوم تقول الحمدلله !!
يارب اني أمشي مو أتسحب من كرسي لسرير وأشوف نظرات الشفقه تحرقني
احمد ربك على كل نعمه انت فيها .. الحمدلله !!

المال ..!

تاكل تشرب تشتري تتسوق تلعب بالفلوس بيدينك ورجولك عايش بأمن وأمان
وتقول يارب وش هالدنيا الغثا
فلان ضيق صدري وعلان سوى
واخوي سبب لي مشكله ولا أمي ولا أبوي
أنا ما أبي الدنيا كرهت العالم ابي اموت !

مره وانا في السوق واحد وأمه اشكالهم جدن مبهذله و واقفين عند محل سينبون
ويطالعون بالحلى الي عارضينه وبس يتفرجون وطولوا وهم بس يطالعون فيه .. طلع الولد كل الي معاه والام طلعت الي معها
كله على بعضه ما جا 4 ريال !!!
تخيوا سأل الولد الي يبيع اذا فيه شي من السينبون الي عارضينه بأربع ريال قاله لاء يا دوب تشتري فيهم مويه
شفت في عينه نظرة انكسار وبوؤس مو طبيعيه لا هو ولا امه
شي يبكي ويعور القلب!!
احمد ربك عشان ما يسلب نعمته عنك
وصل لك ركعتين عشان ربي يرحمك
ويرفع عنك ضره
احمد ربك على العافيه والله اني كنت يوم من الأيام ضااايق صدري من موقف صار لي مع استاذ في الجامعه
وأنا أمشي كاره الدنيا
وكان في قدامي ثنين أشوفهم يتكلمون بس اللي لاحظته إن حركة إيدينهم كثيره ومو طبيعية !!
يوم قربت اكتشفت إنهم ثنين
صم وبكم !!

ما يتكلمون

عيال صغار عمرهم اقل من عشرين والدنيا قدامهم مايتكلمون
محد يفهملهم
والله اني استحقرت همي ونفسي

قلت يارب انت انعمت علي انا كل يوم اتكلم مع أهلي
هُم مـآيقدرون
أنا إذا بغيت أصرخ صرخت
هُم مـآيقدرون
أنا أسولف مع اصدقائي والناس أضحك أبكي أنكت أتعرف على كل الناس أتكلم مع أمي أبوي
هُم مـآيقدرون
كل يوم لساني أحركه مليون مره وما عمري قلت الحمدلله ياربي إني أتكلم
إيش كنت أقول
أنا ضايق ولحد يكلمني
مالي خلقكم
ولحد حاس فيني
والله ولا شي ولا احد بالدنيا يستـــاهل همي !!
إذا عندك هم صل ركعتين واطلب ربك يفرجها
لاتذل نفسك لخلقه
ترى كلهم ضعاف
ما راح يسوون لك شي
واحتسب الأجر
احمد ربك حتى على البلاء
ان ربي بيكفر لك به ذنوبك
اللي يشوف أهل البلاء يوم القيامه يتمنى ان جسده قرض بالمقاريظ
حنا المرض الخفيف ما نتحمله
احمد ربك على كل بلاء
لأنه خير والله لك
وانت اللي في النهايه بتلاقيه حسنات
ولأن الدنيا ماااشيه
وبتنتهي بيوم من الأيام
ومرح تبقى كل النعم اللي اليوم انت تطولها
مرح يبقى إلا عملك
حنا ياجماعه همومنا موقفتنا عن كل شي
ماعندنا غير نندب حظنا
وعملنا
ودينا
ماسوينا شي
ياجماعه أنصح نفسي قبلكم لأني الله يعلم بتقصيري !
وقلة صبري ..!!
وضعفي ..!!!
نبي كل شي لنا وإذا نقصنا شي
تركنا كل اللي عندنا وقعدنا ننوح طول حياتنا على الناقص
إذا ارتفعت حرارتي ماتحملت وقعدت أصيح طول الليل
و بلال كان يضرب بالصخرة العظيمه الحاره بصحراء مكه
وهو يقول
أحــــــــــــدٌ أحــــــــــــــــد
وش له من الأجر عندالله
ياجماعه فكروا بس وش سويتوا ؟
وشو البلاء العظيم اللي مريت فيه واللي بيكفر لك ذنوبك ؟
هذا طبعاً إذا احتسبت الأجر وماكسبت زيادة سيئات بالقنوط
وسوء معاملتك لاهلك والناس !
إنت عندك مشكله مع زوجتك؟
بلاء في واحد من عيالك؟
مشكله مع صديقه؟
جفاء شخص تحبه؟
ابتلاء في أمك وخواتك؟
عندك أب أو زوجة أو أخ
ظالم؟
عندك ابن أو أخ هايت ضايع حارق لك قلبك ؟
مشكله مع زميل دراسه\عمل؟
حالتك المادية سيئه؟
فيك مرض مزمن خطير؟
أقول في كلا الأحوال احمد ربك إنك مو في فلسطين ولا العراق
عرضك مستباح
دمك مستباح
تصبح وتنام خايف تعد عيالك واخوانك قبل يفجعك الصبح الثاني
بواحد منهم
احمد ربك إذا أصابك واحد من هالإبتلاءات إن ربي رفع عنك بقيتهم
إذا أصبت بالتهاب في الحلق فاحمد الله أنك لم تصاب بسرطان في البلعوم
وإذا أصبت بمرض في القلب فاحمد الله أنك لم تصاب بمرض القلوب الأعظم ( الكفر )
وإذا أصبت بمرض في عينيك فاحمد الله أنك لم تصاب بالعمى
حنا في نعمه
ليه نجحدها؟
ليه ننكرها؟
ونخلي ربنا يسخط علينا
ربي رحيم
كريم
يعطي ويداه مبسوطتان
وحنا
نشكي لفلان وعلان
محد بينفعك
وإن نفعوك فإن ربي هو اللي يسّر لهم !
في الثلث الأخير من الليل كل يوم ربي ينزل للسما الدنيا ويقول
هل من داع فأستجيب له
كل يوم ياجماعه
كل يوم
وحنا كل يوم
وش نسوي !
فكر بجد
قاعد على النت
ولا تسولف مع صديقك عالمسن !
ولا تلفزيون ولا فيلم ..
ولا نااااايم
وربك العظيم جل جلاله نازل يسمع مطالب عبده
ربي مايرد إيدينك إن رفعتها
ربك كريم
عندك مشكله ؟
هو ملاذك
اشك لــــه
كل شي
مشاكلك الكبيره والصغيره
الصحابه كانو يسألون الله حتى في شراك النعل !!
وربي إن ما أجاب دعوتك ألحين
بيثيبك على دعاؤك
وبتاخذ أجر من إيش؟ مجرد سؤال
وبيبرد على قلبك
ربي ما بلاك إلا لأنه يحبك
ربك قدير يقدر يبلي فلان من الناس وفلان
لكن
اختارك انت
ليه؟
يبي ينكد حياتك؟
لاوالله لأنه يحبك
ربك يحبك
في أحلى شعور من هذا =') !!
بلاءك مايزيد من ملكه شي سبحانه
ولا ينفعه بشئ
ينفعك انت
ربك يحبك
يبي يجمع لك رصيد
تلقاه بعدين
ربك هو اللي بلاك ماتستحي تشكي لغيره ؟
وتعصيه وهو أكرمك بابتلائه؟

إن رباً كفاك ماكان بالأمس
سيكفيك في غدٍ ما يكون

[/size]

موضوع في قمة الرووووعه

كل كلامك صحيح 100% ولازم نتقيد به

هالدنيا ماوراها الا الهموووم

تحيـــــــــــآآتي...

صح لساااانك

اقتباس :: خل قلبك لك .. لا صديق ولا قريب ولا اي احد يستاهله

وهذي مقولتي دائماً

عواااااافي [ندعوك للتسجيل في المنتدى أو التعريف بنفسك لمعاينة هذه الصورة]

المشكله وده بس مايقدر حاول حاول كثير بس ...........

مشكوووووووووووووور ع الموضوع الرائع