[center] السلام عليكم ورحمة الله وبركته

اخليكم مع القصيده

في دنيتـي هـذي تعلمـت حاجـات
هاكم بعض ما فادنـي بـه زمانـي

مااتبع اللـي صـد عنـي بلحظـات
ولا ارخص اللي بالمحبـه شرانـي

واذا رحلت ارحـل بعـزه وبسكـات
ما رد صاع اللـي بغـدره كوانـي

اما أجي كلي شعـوري مـع الـذات
أو ابتعد كـن مـا عطيتـه حنانـي

عرفت ان المحبة فعـلاً مقامـات
امـا مؤبـد او يُـعـوّض بثـانـي

عرفت ان اصعـب وفـا بالأمانـات
يومي عطيت القلب شخص ونساني

في دنيتي ذقـت النكـد والمسـرات
اسعدنـي اللـي بالمهالـك رمانـي

اقوى الطعون اللي تجي بالخيانـات
لاصرت مجني وأغلى انسان جانـي

اللي ضحكلي شلت عنـه الملامـات
ياللأسـف حمّلتهـا مـن بكـانـي

لكن هي الدنيـا تجـارب وغلطـات
خطـا عملتـه ولصوابـي هدانـي

عرفت كيف اضوي دروب المتاهات
عرفت كيف القاصي يكـون دانـي

لجل الأمل بسعـى فكـل المجـالات
مـا ضيّـع الأمـال غيرالتـوانـي

لو مات امل عندي اباقـول مامـات
أفرح به أكثر يـوم احققـه عانـي

في كل اموري راح اعيد الحسابـات
أحرم 00واضاعف بالعطا من عطاني

حرّمت اعاشر من يطيع الوشايـات
حرّمـت اخـاوي واحـد ٍ مابغانـي

حرّمت اصدق كلمةٍ ما لهـا اثبـات
حرّمت وصلي مايجي مـن جفانـي

ان صد عني شخص جـا بالبدايـات
ما عاد اجيه ان راد يعـرف مكانـي

تعبت اجامل واكتم بصـدري آهـات
اضحك وقلبـي جمـرة ٍ بالمحانـي

مااتبع اللـي صـد عنـي بلحظـات
ولا ارخص اللي بالمحبـه شرانـي


كلمـــآآت أكثـــر من رآآئــــــعه ..
رآقـت لي كثيـرآ
عــآفاك ربــي

تعبت اجامل واكتم بصـدري آهـات
اضحك وقلبـي جمـرة ٍ بالمحانـي



كلمااااات روعــــــــه



يعطيك العافيه

[ندعوك للتسجيل في المنتدى أو التعريف بنفسك لمعاينة هذه الصورة]