بسم الله الرحمن الرحيم ...


هاذي قصيدة ومن ابداع الشاعر محمد بن افطيس المري وابيات الصراحة في قمة الاحساس وانتو اول ماتقرونها راح تعرفون ليه اخليكم مع القصيدة




1_ ماهوب كفو الوقت حبك يمحيه

يالي تخاف صروف الايام تمحاه

2_ ارتاح دام الكواصل تقويه

انت انت وانا انا وقلبي هو اياه

3_ حتى ولو بتغيب ذكراك تكفيه

ياواحد(ن) تكفي عن الناس ذكراه

4_حبك على رملة خفوقي مواطيه

ورياح عذلي عنك ماتمسح اخطاه

5_ واللي يعذل القلب عن درب غالية

الله بما يبلا المواليف يبلاه

6_ اخفيه يالبلفيت والحال يبديه

ادناة واحد ينظر الحال يقراه

ممخفيه فيه ومعتنبه وحاميه

عن كل عين وداها تنزل احماه

7_ قلب يحبك والهواء الذرب ماليه

كانك مكذبني بعينك تحلاه

8_ شرط(ن) تشوفك فيه ومنت بحواليه

ويمكن تشوف ديار واماكن رعاه

9_ وتشوف به تمثال والوقت هاريه

وبتشوف زرع ميت وواقف(ن) ماه

10_ وبتشوف جرح فيه سكين راعيه

راح ونسى السكين والجرح ينخاه

11_ وبتشوف حصن وعج الاقدار سافيه

وبتشوف باقي بيت راعيه خلاه

12_ لاتنزعج هذا خفوقي وباقيه

ولاتضايق من تصدع زواياه

13_ قد زلزله فرقا وهزت عراويه

والله ستر والحظ عانه وعافاه

14_ وكانه صلحلك واعجبك زيد تبنيه

ابنه وجهز للمقابيل مبناه

15_ ابغيك بس من المفارق تداريه

وازهل من يداري شعورك وويدراه

16_وحلل وحرم فيه يا أبرك بلاويه

وحله وراع ارضاي وارضاك وارضاه

17_ جعلك بعد اوجيه امحق وجيه

ناس(ن) مراتعها الرفيق بتقفاه

18_ انواع واخطر نوع ماني بناسيه

نوع على تفريق الاثنين مسعاه

19_ تلقاة دوم وكل يوم(ن) تلاقيه 

ولا بغيت الصدق ماعاد تلقاااه

20_ والا انت ردك كل مادعيك لبيه

انا اشهد(ن) منتو في عيني اشباه

21_ منت(ب) مع العالم والا تقولي ليه

انت ادري مني وش جوابي وفحواه

22_ كذيه ومن الله يازين واليه

واغلى طروش القلب ودواه من داه

23_ الحلم ياتيني بزولك وراعيه

وفي كل حلم اقوم قبل اتحفاه

24_ واعشق سميك في البزارين وادعيه

واقبل خطاه الا اخطا واتلقاه

25_ واسمك يروعني الا مر طاريه

واحب ملقوف يسولف وطراه

26_ وامر بيتك من بعد والا اجيه

وانا لو انه في يدي ما أتعداه

27_ حتى تواير موتري تلتفت فيه

تبغي تلف ويستحي العقل والجاه

28_ ويلي على ادري حبنا وش تاليه

وويلي على ادري وش ورا الغيب ويلاه

29_ عشان اشوف محبتك ترفيه

والله لاقفي عنك ... واستغفر الله



آآآآاسف اذا كنت طولت عليكم اخواني

واللي يبي يسمعها بصوت الشاعر هينا في الرابطك

[ندعوك للتسجيل في المنتدى أو التعريف بنفسك لمعاينة هذا الرابط]

مشكور
وعطيك الف عافيه
يشرفني اكون اول الردود

وان يشرفني اكثر اخوووي على انك اول من رد

منورة اختي عهود ويشرفني مرورك

رـآئعه من جدِ

مشكووؤوور

من ذوقك اخوووي ومشكور على مرورك