قصــيـــــــــــده لاهل(((( شمر )))

الليل ياتي عقبـه الليل..ثـم ليـل
ويتوه من هام الضلام وسرا/بـه
واللي بلا ربع ونشامـا مشاكيـل
عزّيـل حالـه ياعويـل الذيابـه
وان عوّدت لمناهش ذهوبي الحِيِل
انا احمد الله لابتـي خيـر لابـه
ربعي هل الطولات خزّامة العِيِـل
ياتاج راسي مسنـدي ياعصابـه
يوم اللقا بمناطح الجيش والخيـل
ومهنـدٍ حَنّـا طـوارف جرابـه
لي لابـةٍ ياحدروا..كنّـه السيـل
شرّه على العايل الى سـن نابـه
يجيك واحدهم من المهد حلحيـل
وان كبْرت متونه يزيد السطا/بـه
غلبا..على غلْب العدا مثل ابابيـل
من جدْعهم للحَوَل يشبـع عقابـه
وان برّكت زمل النشاما عن الشيل
مابرّكـت شمـر توالـي ركابـه
جيلٍ يروح وجيل ياتي ورى جيل
والعـزّ ملبـوسٍ تبـارق ثيابـه
وان قلت حنّا يـارزوم المخاييـل
ياغطلست قامت تزايـد حرابـه
ضياغمٍ شربـوا طناهـم فناجيـل
سحابـةٍ مـن مدلهـمٍ سحـابـه
تاريخ منحوتٍ بروس الرجاجيـل
مايجهله ياكـود خطْـو الزلابـه
ولا قول حنا راجحيـن المكاييـل
كلٍ فتح في ساحة الصيـت بابـه
بيـن القبايـل قسّمـنّ المعاويـل
وكلٍ خذالـه معـولٍ واشتقا/بـه
ماقلتها من دافـع القـال والقيـل
قلته وانا كبـدي تمكّـن صوابـه
واللي يجينا غادر انكان به حيـل
ناتيـه ياعبّـا محـازم زهـابـه
وانكانه حميّا خذتهم علـى الميـل
حنـا خذانـا للحميّـا طـلابـه
حقٍ لنا..لوهو يجي فيـه تاجيـل
لابـد مايـوم يتجـلاّ ضبـابـه
هذا وانا ماني على قافـي ابخيـل
لاشـك نفسـي بيّحـت مالجابـه
كلام يبغاله مـن الـراس تحليـل
مايفهمـه ياكـود مـن ينكوا/بـه