نعم وبكل جراءه تردد الفتيات تلك العباره عند الرد على الهاتف الجوال أشحن لي وتتباهى بذالك أمام صديقاتهاحتى يخيل لي ان شحن الهاتف هو الهم الأول للفتيات !!!!!!(خلونا من الفصحى العامي اسهل)ماهو انا لوحدي الي يتهيئ لي ان هم البنات تتعرف على شخص يشحن لها حتى العماله لأجنبيه صارو يفكرو في البنات السعوديات على ان همهن الأكبر هو الشحن وانا صار لي مده هندي مزعجني يقول أشحن لك بس باشرط تكلميني ولما خاصمته قالي كلو بنت سعودي كزاء وحتى هددته اني راح ابلغ عليه أذا مابطل أزعاج قالي وبكل جراءه خلاص أشحن لك يومياً عشرين ريال ولما أعطيت الرقم أخوي رد‘على أخوي وقاله أشحن لك انت كمان بس أختك تكلمني اتوقع جراته هذي سببها نحن معشر الفتيات السعوديات لانه كان واثق من نفسه ومن الي يسويه ومتوقع اني ارضى باهشي من المسوول عن تشويه سمعت البنات السعوديات هل هم البنات نفسهم او الشباب او الأسره؟؟؟؟؟طيب ليش البنت تسوي كذا ماتخاف من الله او على سمعتها أوماعندها كرامه ؟؟؟!!!ونفس السؤال موجه لشباب مايخاف الله ومايخاف ان هاشي يصير لاخته؟؟؟؟!!!انا لا أعمم ذالك على السعوديين كاكل لاكن هذا واقع لابد من مواجهته واعذروني على أسلوب السرد الي مادري وشلون بس أنا مقهوره من الهندي هذا لانه من بعد الموضوع هذا كثر الأزعاج على جوالي وكلهم من بني جلدته وغيرت رقمي احسن من الازعاج صحيح ان الغلط غلط سواء من سعودي او اجنبي لاكن انا ما الومه الوم البنات والشباب السعوديين الي أعطو الأجانب شارت البدايه يعني مانتحمل ا العاده السيئه هاذي من السعوديين نتحملها من الاجانب يعني لدرجه هاذي صارت البنت السعوديه تساوي كرت شحن ؟؟؟؟!!!!سوال اتمنى منكم الاجابه عليه

مشكوررا أختي مدى ع الموضوع
ويشرفني أكون أول وحدا ترد ع موضوعك الحلو

اقتباس :

أشحن لي

هذا الموضوع انتشر بين البنات بشكل مخيف
وله عدة أسباب:
الفراغ العاطفي
التقليد الأعمى
لفت الانتباه
الفراغ
قلة الدين
والمصيبه الأعظم محبتها للشخص اللي تكلمه بدون رابط شرعي بينهم
(الحب الغبـــــــي)

كثير بنات ماخذين الموضوع لعب وتمضية وقت لكن فالنهاية
هي أول وحده تتأذى والشاب اللي تكلمه ماراح يضره شي
لأنو أحنا فمجتمع الشاب فيه ملائكي مغفور له أي عمل
وإذا الشاب عمل مصيبه قالوا يكبر ويعقل!!((أنا أتكلم بواقعيه))

بنات اشحن لي ..مسوين انفسهم أذكياء ويلعبون ع الشباب
وإذا ناقشتيهم فالموضوع قالوا ماراح يضرنا شي
هو اللي يشحن؟؟!!
الضرر الأول جرحتي فدينك وأخلاقك.
الضرر الثاني ضيعتي وقتك المحسوب فيه كل ثانيه عليك بشي مايفيدك.
الضرر الأعظم معرفة أهلك بالموضوع.
والنهاية المأساويه سمعتك بين الناس.

البنات لو يفهمون حاجه وحده بــــــــــــــــس
أنو المكالمات بداية الدمار.

اقتباس :

يعني لدرجه هاذي صارت البنت السعوديه تساوي كرت شحن ؟؟؟؟!!!!سوال اتمنى منكم الاجابه عليه

البنت اللي ترضى على نفسها تنزل لهذا المستوى..كرت الشحن يفيد أكثر منها.

وأخيرا" اتمنى من العلي القدير أن يحفظ بنات وشباب هذا الوطن.

وقفــــــــــــــــه:
اتمنى منكم الأطلاع على احصائيات ابتزاز الشباب للفتيات خلال الأربعة الأشهر الماضية
لتعلموا مدى عظم هذه المصيبه.

مشكوره أختي على ردك المنطقي وصحيح الي ترضى على نفسها تصير من فئة أشحن لي الكرت أفيد منها الله يهديهم لكن المفروض ان المشكله تحل من قبل المجتمع لانها ظاهره خطيره وراح نشوف ضررها في السنوات القادمه اكثر من الان

الصراحه موضوع قمه في الروعه
الان يعتبر موضوع الشحن من وجهة نظري
بالنسبه للبنات مهر مكالمه مع شاب
اذا تبغى تكلمني ارسلي شحن بعدها ارد عليك
تبيع نفسها عشان شحن !!!!!

مشكووره اختي مدى الزعامه على الموضوع

والله المشكله هذي مو بس عندنا في الخليج ككل الحين صار كذا

اشحن لي=اكلمك

وبعض الشباب يشحن لها كل يوم هو يشحن لها وهي تكلم غيره>>>>>>>>قمة التخلف

لكن الله يهدي الشباب والشابات يااااااااا رب