لسلام عليكم
الحمدلله على تأهل نادي القرن للكأس الأغلى
وهذا هو دديدن اجانب الهلال
اذا غاب احدهم ظهر الآخر
لله درك يا إبن مساعد ويا كوزمين على اختيار هالكوكبة الرائعه

عودة إلى أخونا عباس
ارجوك رجاء
فيه شي اسمه (صنع في رومانيا) وفيه شي اسمه (تقليد صيني)
لاتحاول تقلد قتالية رادوي
التفت لنفسك و لإنبراشاتك اللي مالها سنع
رادوي يعرف كيف يضايق اللاعب ويقاتل ويبلشه لين يقطع الكوره او يخربها
اما انت .. تطمر على ظهر اللاعب تحسبه حوض ددسن
كل هذا علشان الهلال نسقك؟
ياخي منت قد الهلال

شوي شوي على نفسك
ولاتخاف .. منتخب اسير الروج يبي يضمك للمنتخب انت والكسرة غالب والسهلاوي اللاعب الرجولي

ياعباس .. ترا عباس بن فرناس حاول الطيران قبلك .. ومارده الا الأرض وفطس !
لا ومكلف نفسك .. ليتك بشهر العسل ومريح نفسك من هم الهزيمة بإذن الله



نقاط :
يا ART لاتحاولون تخفون جماهير الفقر .. ترانا نشوفهم بالرياضية السعودية
احلى شي سويته يالقحطاني يوم أشرت لعباس انه قد كذا
يسلم راسك يا نيفيز .. بس ترا معك 10 لاعبين .. مرر شوي .. صدقني حنا نحب راعي الحطات
هوساوي .. اترك الهواجيس عنك .. ترا لك بالقلب معزه
العتيبي .. اشهد انك ذيب .. بس لسانك يبي له ربط
ياحسام باشا .. مالك الا مصر .. ترا خبيلان داج .. لدرجة ان عضو الشرف النصراوي اسير الروج تكفل برواتبك
ياخبيلان .. ترا الحكم ألماني .. ومساعد مدرب الهلال ألماني .. يمديك تسذب
خبيلان .. واللي يرحم والديك .. دخن بكيفك .. بس لاتخلي البزارين يشوفونك .. قال رسول الله صلى الله عليه وسلم: ( كلّ أمّتي معافى إلا المجاهرين) .. امسك اعصابك مثل رئيس الهلال .. (اللي يفهم الجملة الأخيرة يرجع لموضوع اخونا الضمير -=جملة خبيثة في تصريح الجولة لرئيس النصر يقصد بها ... ومفاجأة مدوية!=-علشان يفهم المقصود)
شاهدنا خبيلان يدخل لأرضية الملعب في مخالفة صريحة للتعليمات .. طبعا لجان شاهد ماشفش حاقه موب مسوين شي .. طز فيكم .. متعودين على خبالكم

أخوي سبق وشفت هالموضوع بـ شبكة الهلال ما أدري هل أنت صاحب الموضوع او لا؟؟؟

كككككككككككككككككك

والله صدقت مصدق روووحه ابو خشم عبااااس

انه مثل رآآآدوي ياليته احد يطقها بوجهه لعله يتعدل تفكيره

ويرحم الناااس من التكسيييير قسم بالله ذا جزآآآآآآآآآآآآآآآر

موب لآعب ومدري على وشو مرفعين فيه جمهووووور الصبرررر

لآكن الحمدلله كسبنا التأهل من ظهورهم الفقراووويه وعقبال مانفرح بالنهائي

موضوع رائع جدآ بس بيني وبينك قريته في شبكة الهلال هل هوا لك ولالا
تقبل مروري

لا الموضوع مهب لي لاكن اعجبني ولكني اعرفه

ههههههههههههههههه
آآه بس لو نمسك عباس وانت تعطيه هذا الدش المحترم

تسلم اخوي ع الوصف الدقيق للمنسق عباس بن فرناس
والله يابوعزوز نواه يوم كسر ويلي راح له يركض بس رده الدوخي الله يقطعه

صراحه نيفيز البارح كورتين ضيعهن بانانيه طالع معه ياسر لكن شنقولك غير لله درك الكوره اللي بالعارض نستنا انانيتك

مشكور يالغالي ع هيك مواضيع

"

يعافيك ربي ..~

هذا دليل علىأ غيرته [ندعوك للتسجيل في المنتدى أو التعريف بنفسك لمعاينة هذه الصورة]

ماننحرم

’’

هع هع هع



صدق انهم فقررر [ندعوك للتسجيل في المنتدى أو التعريف بنفسك لمعاينة هذه الصورة]