خلي هجرني تكفى ياموت زرني
وان ماقدرت دلني مكانك وانا اجيك
مابي حياتي دام خلي هجرني
مابي حياتي دامه يقول ماأبيك
ايه ادري وظلم الناس يدري
ظلمني واكد كلام اللي يقولون ناسيك
لن قبل لا تأخذ الروح مني
بأسأل حبيبي كم سؤال وأخاويك
وشلون قلبك ياحبيبي تركني
وتدري خفوقي كم له سنه هاويك
وماتدري بعادك وصدك ذبحني
وماتدري عن دمع نثرته وانا أرجيك
اسأل جميع الناس وش صار عني
أسأل وش صار في حال مغليك
لوعاش عاقل عيشتي كان جني
حالي لو تشوفه بعينك يبكيك
لو علموك وش كر قهري وحزني
من يوم حبي انتهى وصار ماضيك
لو علموك عن قلبي اللي يوني
مطعون يصرخ يشتكي لك يناديك
صار الحزن هو لعبتي صار فني
ابكي ندم والله ليا حل طاريك
ضيقة صدر ويا الهموم سكنتني
أحكي وأكمل ولا ماقلت يكفيك
اللي سمعته بسبتك انت جاني
عطيتني كرهك وانا الحب معطيك
ضاعت سنين وانا بالحب ابني
سور وانهد بسبب فعلت ايديك
جاك الوفا والحب والعشق مني
حتى الوله والشوق والصدق مهديك
قلبي وفالك وانت قلبك خدعني
خدعت قلب بالحب كان شاريك
كذب وخيانه وغدر قلبك حضني
في وقت قلبي فيه يسهر يداريك
ماكنت اظن قصدك بحبك تذلني
ذليتني من عقب مامت انا فيك
هذي حقيقة بعض مامنك جاني
وبعض الذي اسقيتني سم بيديك
ماكنت ساكت خايف بس لأني
ميت بحبك ماأقدر ازعلك وابكيك
حرمت اقول من محبتك عطني
مادام غيري في محبتك مرضيك
بأبعد بعيد وأوعدك ما احني
ابشر ابا ابعد ومع حبيبك بأخليك
وابي مماتي يأخذ الروح مني
تارك لك الدنيا بها الله يهنيك
وليا سأل في يوم اي انسان عني
قله توفى والسبب طعن بيديك
![«[الإدآرهـ~]»](https://2img.net/r/ihimizer/img707/5896/74464683.gif "«[الإدآرهـ~]»")
![«[زورو فـعـال]»](https://2img.net/r/ihimizer/img291/3593/56642345.gif "«[زورو فـعـال]»")
