عهدي بها من قبل تلبس عبايه

الإنتساب : 30/04/2010

عهدي بها من قبل تلبس عبايه
وأنا بعد قبل البس شماغ وعقال !!

طفلين نتهجّى حروف البدايه
الله ياما أجمل سواليف الاطفال !!

كانت لنا في كل شارع حكايه
وكنّا نقول علوم ماهيب تنقال!!

وكنت اتقاسم ما معاها معايه
من(عسكريم) التوت,للعلك ابوريال !!

وكانت بعكسي شاطره في القرايه
تقرأ جزء عمّ وطه والانفال !!

وأنا لك الله من مواري غبايه
مدري ابو نقطه هو الذال او دال !!

وكانت لابويه تشتكي من شقايه
وتعلّمه كيف اربط الباب بحبال !!

ياما على ظهري كسر من عصايه
يقول لي:خلّك وأنا ابوك رجّال!!

وامي تقول:ادع لولدك الهدايه
خوفي تصيبه كثرة الضرب بهبال !!

لا شفتها مع اول الدرب جايه
مدري أنا اللي ملت ولاّ الوطا مال!!

احسّ قلبي يرتجف في حشايه
ما كنّه الاّ الضيف لاهزّ فنجال !!

ياما عن"السّعلي" تخبّت ورايه
لاخوفوها فيه ثم شافت ظلال !!

تقول:......خلّك ياحبيبي معايه
واسّتأنس العب عندها دور الابطال !!

وآغار حتّى من عيون اصدقايه
لاطالعوها قلت:تكفون ياعيال!!

الإنتساب : 24/03/2011

القصيده روووعه

بس روابط للمنتديات الثانيه ممنوع يالغلآ

حاول تحذفه

الف شكر لك يالغلآ [ندعوك للتسجيل في المنتدى أو التعريف بنفسك لمعاينة هذه الصورة]